لاتبعدوني يا عـرب مـن هواهـا
هي غايتي بالحب تكفـون تكفـون
لـو غابـت الليلـه اروح معـاهـا
مالي ابد عيشـه بلاهـا وتـدرون
هي علتي صـارت وابغـى دواهـا
ولا يداوينـي مـن النـاس مليـون
قلبي غـدى عالـق بعالـي سماهـا
من زود حبي والغلا صرت في كون
سبحان من سوى وصـور حلاهـا
سبحان ربي يـوم كحـل ذالعيـون
من حبها مـن زينهـا مـن حياهـا
عشقتها والعشـق دايـن ومديـون
في وسط قلبي عالـي(ن) مستواهـا
وبوسط روحي بيتها دوم مضمـون
تامـر وتنهانـي وكـلـي فـداهـا
لو تطلب عيوني لهـا مـا يوفـون
ارخص جميع الناس وأكسب رضاها
ماهمني كل العـرب لـو يضيقـون
واللي عليهـا لامنـي يـا عساهـا
تضيق به دنياه ويصيـر محـزون
ودي اعيش اليـوم وحـدي معاهـا
ولا تقولولـي يالاجـواد وشـلـون